دغبرګولي لومړۍ
په ګډه پوله داوربند پرېكړه مخكې هم شوې وه
د افغانستان او پاکستان د پولې د دواړو غاړو د قومي او قبايلي مشرانو جرګې د پکتيا د اريوب ځاځيو او د پاکستان دکورمې ايجنسۍ ترمنځ د لارې د پرانستو او اور بند پرېکړه وکړه .
د پکتيا والي رحمت الله رحمت رسنيوته ويلي، چې د پولې د دواړو غاړو قومي او قبايلي مشرانو يوې جرګې خبرې اترې پيل کړې دي .
د پکتيا والي ويلي ، چې شپږ مياشتې مخکې د ډيورنډ د پولې د دواړو غاړو قومي مشرانو په ګډه پوله د جګړې د نه كولو پرېكړه كړې وه .
په اريوب ځاځيو ولسوالۍ کې د لومړي ځل لپاره د غويي په ٢٢مه شپه پاکستاني مليشو بريدونه پيل کړل ، چې په پايله کې يې ١٣ تنه افغانان ووژل شول ، چې اته تنه يې دولتي ځواکونه او پنځه تنه يې عام وګړي و.
دغه راز په دې بريدونو کې ٢٩ تنه ټپيان شوي هم دي . پرمرګ ژوبلې سربېره ګن شمېر کورونه او ښوونځي هم ويجاړ شوي و ، دولتي ځواکونو د ٢٠ تنو پاکستاني سرتېرو د وژلو ادعا هم کړې وه .