د نيشه يي توكو په شتون كې خودكفايي مسخره خبره ده

د نيشه يي توكو په شتون كې خودكفايي مسخره خبره ده

 

په دې وروستيو كې يوځل بيا د افغانستان د كرنې وزارت چارواكو څرګنده كړې، چې افغانستان به په راتلونكو دوو كلونو كې د غنمو د حاصلاتو له اړخه د بسياينې پړاوونه ووهي او ګواكې نوربه له بهرنيو هېوادونو څخه د غنمو او اوړو واردولو ته اړتيا ونه لري او دا هغه ټكى دى، چې تر دې وړاندې هم  چارواكو په وار وار مطرح كړى  دى، خو بنيادي پوښتنه دا ده، چې افغانستان د دومره بې سارو نيشه يې توكو له كركيلې سره سره څنګه كولاى شي، چې د خود كفايي پرلورګام واخلي؟په داسې حال كې چې همدا د نيشه يي توكو زياته كركيله ده، چې دغه لاره يې ډب كړېده.

ادامه نوشته

پر افغانستان دې له سره فكر وشي

پر افغانستان دې له سره فكر وشي

لعل اقا شيرين

  تېره اوونۍ د امريكا يو شمېر پوځي او دپلوماتيكي څېړنې پردي بنسټ وې، چې ګواكې د افغانستان دولت د ناكامه كيدلو له ګواښ او خطر سره مخ دى او پكار ده، چې پر افغانستان له سره كتنه وشي او پر پوځي لاروچارو سربيره اقتصاد يې پياوړى كړى شي. په رپوټ كې د افغانستان د حكومت د كمزورتيا سترلامل د لوېديز والو په نه پاملرني پورې تړل شوى او ويل كېږي، چې دوى خپله ډېره پاملرنه عراق ته اړولې او افغانستان يې په بشپړ او يا هم په نسبي توګه له يادوه ويستلى دى.

ادامه نوشته

پولهاى كمك شده په كجا غيب ميشوند؟

 

پولهاى كمك شده په كجا غيب ميشوند؟

لعل اقاشيرين

هفته گذشته وزارت ماليه افغانستان اعلان كرد كه  تمامی رقم كمك هاى جامعه جهانی که تا هنوز  به افغانستان وعده داده شده است به 39.4 ملیاردالرامریکایی میرسد. اعلام این خبردرحالی ازطرف وزارت مالیه افغانستان صورت میگیرد که شماری ازکارشناسان اموراقتصادی کشور ومردم ازعدم موثریت پولهای وعده شده درشش سال گذشته شاکی اند و این سوال را مطرح میسازند که پولهای وعده شده جامعه جهانی درکجا و به چه کاری به مصرف میرسد؟ این درحالیست که به گفته وزارت مالیه افغانستان تا هنوز نصف پولهای وعده شده جامعه جهانی در شش سال گذشته  به مصرف رسیده است ولی ان چنان موثریتی که باید میداشت نداشته است.

ادامه نوشته

هغه اردو، چې ټانګ، توپچي او هوايي ځواك ونه لري،

هغه اردو، چې ټانګ، توپچي او هوايي ځواك ونه لري، اصلا اردو نه ده

 

لعل اقا شيرين

 

د طالبانو له پرځيدو وروسته، چې د افغانستان د نوي سياست جوړښت لپاره په بن كې كومه غونډه وشوه، د هغې له مهمو ټكواو پرېكړو څخه يوه هم د افغانستان د ملي پوځ رغونه او جوړونه وه، چې پرې زيات بحثونه وشول او د افغانستان لپاره د ۷۰ زره كسيزې اردو په جوړولو سلا وشوه.خو نه يوازې په تېرو شپږو كلونو كې دغه شمېره بشپړه نه شوه، بلكې افغان دولت وار په وار پر دې باوري شو، چې افغانستان لږ ترلږه د يوې دوه سوه زره كسيزې اردو ته اړتيا لري.افغان دولت په تېرو شپږوكلونو كې د ملي پوځ د ۷۰ زره كسيزې شمېرې د بشپړاوې په موخه په داوطلب ډول د سربازانوجذبولو ته اوږه وركړه او د افغانستان د دفاع وزارت نوي څرګندونې ښيي، چې افغان دولت دم ګړۍ د ۶۰ زره كسيزې اردو څښتن دى، چې كراركرار به يې شمېره د ۱۳۸۷ كال تر وروستيو ۸۶ زره تنو ته ورسېږي. دغه شمېره كه څه هم، چې په اړينه كچه د افغانستان غوښتنې نه شي ځوابولى، خو تر پخواني اټكله، چې د بن په تړون كې شوى و، ښه برېښي.

ادامه نوشته

مولانا فضل الرحمن له سيكولرو سره ائتلاف كوي!؟

مولانا فضل الرحمن له سيكولرو سره ائتلاف كوي!؟

 

لعل اقا شيرين

د پاكستان له ټاكنو وروسته راروان بدلونونه ښيي ، چې د هغه هېواد ټولې ډلې ټپلې كه د ترهګرو ملاتړي دي اوكه په ترهګرېزو فعاليتونو لګيا دي اويا كه عملا په سركې د جګړې خيال لري، خو د خپل هېواد د ملي ګټو په وړاندې سره يوموتى او د يوه ټوليزائتلاف له لارې خپلو ستونزوته پاى وركولاى شي. كه چېرې په پاكستان كې د دغو ټاكنو پايلو ته ښه ځېرشو زموږ واكمنو او د دولت مخالفينوته يو ښه طلايي فرصت په لاس وركوي، چې له خپلو شخصي او تنظيمي ګټو واوړي او د ملي ګټو پابند پاتې شي.

ادامه نوشته

سوړ ژمى، قيمتي، قحطي او د دولت ستراتيژي!؟

 

 

سوړ ژمى، قيمتي، قحطي او د دولت ستراتيژي!؟

لعل اقا شيرين

 

د دولتي چارواكو او رسنيو په قول د وروستيو واورو او بارانونو د ورښت او سړې هوا له امله د هېواد په بېلابېلو ولايتونو او سيمو كې ګڼ شمېر خلك وژل شوي او يا ټپيان دي. د رسنيو په حواله د سړې هوا ترټولو زيات ځاني تلفات د هېواد په څلورو لويدېزو ولايتونو، هرات، بادغيس، غور او فراه كې رامنځته شوي، خو فارياب، سرپل، غزني، هلمند، كابل او پكتيا ولايتونه هم  خوندي نه دي پاتې شوي او خلكو ته ځاني او مالي زيانونه اوښتي دي.

د يخ ژمي او ورښتونو له كبله نه يوازې هېواد د انساني تلفاتو له سترې فاجعې سره مخ شوى، بلكې د دولت د بې كفايتۍ او نه تدبير له امله د خوراكي او نورو اړينو توكو نرخونه هم په داسې بې ساري كچې لوړ شويدي، چې سارى يې په داسې څرګنده توګه تر اوسه نه دى ليدل شوى.

ادامه نوشته

افغانستان؛ تېر شپږ كلونه، لوړې او ژورې

افغانستان؛ تېر شپږ كلونه، لوړې او ژورې

 

لعل اقاشيرين

د بن له پرېكړې وروسته د ۱۳۸۰ لمرېزكال د جدي په لومړۍ نېټه په افغانستان كې سياسي وا ك موقتې ادارې ته ولېږدول شو او دا دى له هغې ورځې پوره شپږكاله تيرېږي. په دې شپږو كلونو كې حامد كرزي، د موقتې ادارۍ پر مشرۍ سربېره د انتقالي او انتخابي دورو مشري هم په غاړه درلوده، چې دا دى له انتخابي دورې څخه يې درې كاله كېږي. په دغو تېرو كلونو كې افغانستان سره له دې، چې له زيات بهرني ملاتړ څخه برخمن و، خو لكه څنګه چې اړينه وه، هغومره د دغه هيواد په امنيتي، سياسي او اقتصادي برخو كې ډېر د پام وړ پرمختګ نه دى رامنځته شوى.

ادامه نوشته